Павлодар облысында дін адамдары үшін отбасылық тимбилдинг ұйымдастырылды

Аталған тимбилдинг Қазақстанда 2013 жылдан бері аталып келе жатқан «Отбасы күні» мерекесімен тұспа-тұс келді.

Осындай іс-шаралар өңірдегі діни ахуалды сауықтыруға және дәстүрлі отбасылық құндылықтарды насихаттауға ықпал етеді. Оның мақсаты – отбасылық қатынастарды нығайту және отбасылардың оң әлеуметтенуіне бағытталған спорттық – ойын – сауық, танымдық, мәдени және басқа да іс-шараларды ұйымдастыру.

Жобаны іске асыру нысаны әйелдер және балалармен бірнеше іс-шаралар (тимбилдинг) өткізу болды. Мысалы, спорттық – эстафеталар, кросс, жаяу жорыктар; психологиялық – тестілеу, отбасын диагностикалау және түзетумен байланысты тапсырмаларды орындау; шығармашылық тимбилдинг – музыкалық, шығармашылық іс-шараларға қатысу, шеберлік сабақтарына қатысу; тимбилдинг – кеңес беру – отбасының психологпен жеке кездесулері.

Мақсатты аудитория ретінде аймақтағы мұсылман жамағаттарын білдіретін әйелдердін белгілі бір тобы таңдалды. Күздің жылы, шуақты ауа-райы олардың психологтармен және теологтармен ашық ауада кездесуіне, өздерімен балаларды бірге алып жүруге мүмкіндік берді, олармен де білікті мамандар жұмыс жасады.

Іс-шара соңында әйелдерге естелік сыйлықтар, ал балаларға тәттілер мен ойыншықтар табысталды. Қатысушылардың барлығы осындай іс-шаралар оларға сырттан жақсы қарауға көмектеседі, ал отбасылық команда құру форматы сенімді қарым-қатынасқа оң әсер етеді деген пікірде болды.

Іске асырылған жобаның негізіңде мүдделі мемлекеттік органдар жұмысында басшылыққа алатын әдістемелік ұсынымдар әзірленді.