Павлодарда халықаралық теологиялық семинар өтті

Онлайн-семинардың мақсаты: тұспалданған  сөз өрнектерінің мәнін ашуға көмектесетін Құран мен Сүннетте қолданылған «маджаз»- метафораларды   түсіндіру және сипаттау. Бірыңғай рухани қоғамды қалыптастыру, діни көзқарастардың радикалдануына әкелетін қасиетті мәтіндерді түсінуде діндарлар арасындағы келіспеушіліктердің алдын алу.

Семинарды Павлодар облысының Ақпарат және қоғамдық даму басқармасы басшысының орынбасары Дәулет Зәкәриянов кіріспе сөзбен ашты.

Кездесудің модераторы Павлодар облысының бас имамы, теолог Жолдас қажы Қоспақов болды.

Онлайн-семинар барысында ислам ғылымдарының докторы, Египет Әл-Азхар университетінің оқытушысы, Имам Матуриди мен Имам әл-Ашари еңбектерін зерттеу жөніндегі   ғылыми жұмыстардың авторы Хамдулла Ассофти  «Маджаз ұғымы және оның мәні» тақырыбында баяндама жасады.   

Қазақстан мұсылмандары Діни басқармасының оңалту бөлімінің басшысы Қанат Алшынбаев тавиль - қасиетті мәтіндерді түсіндіру ұғымы мен маңызы туралы айтып берді.

Қазақстан мұсылмандары діни басқармасының Шариғат және пәтуа бөлімі басшысының орынбасары Хасан Аманқұлов Ахлу Сунна уаль Джамаа ұстанушыларының маджаз мәселелеріндегі ұстанымдарын түсіндірді. 

Имам Жолдас қажы Қоспақұлының айтуынша, қасиетті мәтіндерде метафораларды немесе тұспалданған сөз өрнектерін   қолдану тақырыбы бүгінгі күні өте өзекті.    Құран аяттарының тура және метафоралық мағынасы бар. Дәріскерлер мәтіндерді тура және бейнелі мағынада қалай қабылдау керектігін түсіндірді. «Салафиттік мағынадағы кейбір ағымдар метафораларды мойындамайды, діни мәтіндерді тура мағынада қабылдайды. Осыған байланысты оларда зайырлы қоғаммен келіспеушіліктер орын алады, олар жастардың радикалдануына әкелуі мүмкін», - дейді Жолдас қажы. 

Осындай оқыту кездесулерін өткізу жергілікті жерлерде дін мәселелері бойынша АТТ мүшелерінің кәсіби құзыреттілігін арттыруға бағытталған. Кездесу барысында алынған жауаптарды имамдар мен теологтар деструктивті ағымдарды ұстанушылармен жұмыста қолдана алады. 

Зум-конференцияға Қазақстанның түкпір-түкпірінен 60-тан астам имамдар мен теологтар, дін мәселелері жөніндегі ақпараттық-түсіндіру топтарының мүшелері қатысты.